(1964) Ensuañu

link

Paraísu d'ensuañu que llenes de gozu l'alforxa apinada de mio pensamientu yes recuerdu encesu d'afalagu ansiosu pa esmucir mui lloñe l'atristayamientu.

Fonte d'añorances, xardín armoniosu que selín afayes el encantamientu, alluma en mio alma el ecu dichosu qu'amurmie les penes del alexamientu.

Nin xelu, nin ñeve, nin vientu abegosu farán olvidame de tiempos meyores, anque to recuerdu me dexe doliosu.

Nun habrá en mio alma delicies mayores que ciarrar los güeyos y ver, afanosu, a Villaviciosa de los mios amores.